Miter zwöite Böötlitour im Septämber isch ds die Saison scho dr produktivst monet… Krass eigentlech weme so uf vorhärigi Saisons zrüg luegt u dänkt “Unger 10 mau si ouso scho chli weni böötlet”.
Wasser hets hüt no weniger gha aus bim nid so erfougriiche böötle es paar täg vorhär. Nume grad 80m³/s. Drum heimer üs o entschide wider mau Thun – Bärn z mache. Dasmau hoffentlech erfougricher aus im Ougust wo ig säuber gfäut ha. Mit 19°C warmem Wasser und 25°C warmer Luft simer zueversichtlech gsi, dass das guet chunt.
Mir hei dasmau früecher wöue starte u si scho am 11i uf dr Aare gsi und de churz speter o nach dr Uttigerschweue no ungerwägs ohni dases üs kehrt het.
O mit em wenige Wasser isch d Rute ganz guet gange. Mi het zwar nid aui gwohnte Näbeflüssli oder chlinere Wäge näb de Insle düre chönne nä wi süch, wüusi teuwis gar ke Wasser hei gha. Am 4i simer de scho z Bärn gsi u hei nume öppe e haub Stung lenger gha aus bi öppe doppletem Wasserstang.
Faus das ds letschte Böötle ir Saison isch heimer zmingst no mitemne Umfaufreie und wück sehr entspannte, warme u gmüetleche Böötle chönne abschliesse 🙂.